Јозхан: Анкара нема да ги лиши САД од пристап до базата Инџирлик, ако Ѓулен не биде екстрадиран
Анкара нема намера да ги лиши САД од пристап до воената база Инџирлик, во случај Вашингтон да одбие да го екстрадира исламскиот проповедник Фетулах Ѓулен, кој е обвинет за организирање на обидот за преврат на 15 јули, јави ТАСС.
Ова мислење го изрази вчера пред новинарите во Њујорк претседателот на комисијата за надворешни работи во турскиот парламент, Тахи Јозхан, кој е од владејачката Партија на правдата и развојот.
Јозхан изјави дека, објавите на медиумите на таа тема се „чисти шпекулации“, како и тврдењата за можното излегување на Турција од НАТО.
- Турција никогаш не се служела со слични евтини тактички трикови во минатото, истакна пратеникот.
Според неговите зборови, за да направи Анкара таков чекор, треба да се случат многу вонредни настани.
Пратеникот нагласи дека прашањето за забранување на пристап на САД во базата никогаш не било разгледано.
Како што вели Јозхан, информацијата во медиумите за тоа прашање не соодветствува со дејствијата, исто како и информациите кои се појавија за време на ноќта на превратот, дека пучистите ја преземале власта, а претседателот Ердоган побарал азил во Германија.
Ново на Сител
-
Управниот суд одржува јавна расправа за тужбата на Европскиот фронт за прегласувањето во Ларце
-
Гир: Подготвени сме да работиме со новата влада и со сите кои го поддржуваат реформскиот процес
-
Писториус ја поздрави обуката на украински војници на системи Патриот
-
Поротата почна со разгледување на судењето против Трамп за кривично дело поткуп на актерка во филмови за возрасни
-
Приведен прилепчанец за шверц на 45 шишиња метадон
-
Средба на лидерите од СДСМ
-
24-годишник избоден во ресторан во Дебар
-
Битолчанец измамил 76-годишна жена за 398.000 денари