Јотовски победи во двојки во Сокобања

Македонскиот тенисер Томислав Јотовски триумфираше на фјучрсот во Сокобања во конкуренција на двојки. Тој попладнево во финалето заедно со Александар Лазов од Бугарија како први носители ги совладаа Богдан Ѓурѓевиќ (Германија) и Енрик Гуатиа-Паис (Шпанија).

Првиот сет го доби германско-шпанската комбинација со 6:4 во гемови, а Јотовски и Лазов го добија вториот сет со истиот резултат 6:4. Во решавачкиот сет беше 10:6 на поени за Јотовски и Лазов. Ова е четврта турнирска победа во двојки за Јотовски во кариерата втора во 2015 година (претходно победи во Шабац).

Јотовски денеска беше елиминиран во четвртфиналето во сингл откако со 2:1 во сетови загуби од Нико Матиќ од Германија.