Јоханис: Евентуален закон за амнестија и помилување корумпирани политичари е закана за романската демократија
Романскиот претседател Клаус Јоханис упати сериозно предупредување до новиот министер за правда Флорин Јордаке дека „амнестирањето и помилувањето на корумпирани политичари би било катастрофа за Романија“ и дека „постои ризик од исчезнување на демократијата во земјата“, јави сајтот Зиаре.
Реакцијата на шефот на државата доаѓа откако Јордаке за време на сослушувањето во Парламентот, пред гласањето доверба на владата, изјави дека еден закон за амнестија и помилување би бил „добар знак“.
Јоханис, за време на денешното основачко заседание на Високиот совет на судии, подвлече дека е цврсто против ваквата иницијатива, која ќе ја укине претпоставката за еднаквост пред законот и следствено на тоа ќе доведе до исчезнување на правната држава во Романија.
-Има осудени политичари кои би го поздравиле ваквиот закон, што би ги спасил од сите проблеми. Тоа би ја разурнало правната држава и би постоел ризик за исчезнување на демократијата во Романија“, предупреди Јоханис, цитиран од весникот „Евениментул зилеј“.
„Веднаш штом се прифати идејата за амнестија и помилување, вклучително и на корумпирани политичари, ваквиот преседан би довел до исчезнување на еднаквоста пред законот. Тоа Романија би ја довело на траекторија што ја оддалечува од европските и евроатлантските вредности, во кои веруваат мнозинството Романци, уште додаде претседателот.
Јоханис забележа дека изјавата на Јордаке во комбинација со фактот дека претседателите на двата дома на Парламентот - Ливиу Драгнја и Калин Попеску Таричану - имаат судски проблеми, а првиот дури има и конечна пресуда, создава „загрижувачка слика“.
Шефот на државата, исто така, подвлече дека ниту една демократија не може да постои без независност на судскиот систем и ги повика судиите и обвинителите да се спротивстават на секој обид за политичка интервенција во правосудниот акт.
Ново на Сител
-
На ГП Табановце за влез и излез од државата се чека по околу половина час
-
Зеќирија Ибрахими е нов претседател на Алтернатива избран на вонредниот конгрес во Куманово
-
Кратово блесна во полн сјај на првата фестивалска вечер од ЗЛАТНИ ДЕНОВИ КРАТОВО 2024 | ФОТО
-
МВР го барала да го уапси, а тој пробал да лета преку аеродромот во Скопје
-
Повреден германски параглајдерист - Летал над Крушево
-
ДКСК: Го следиме именувањето на в.д. директори во државните институции, ќе реагираме ако има неправилности
-
Даути избрана за генерален, а Јајага за организациски секретар на АА
-
Следува период на многу топло време со температури до 40 степени