Јавен повик за национални волонтерски награди

Волонтерскиот центар на Македонија при Младински културен центар (МКЦ) Битола, во пресрет на 5. декември меѓународниот Ден на волонтерите, го објави традиционалниот јавен повик за доделување национални волонтерски награди.

Од МКЦ-Битола информираат дека годинава доделувањето на национални волонтерски награди се организира по 10 јубилеен пат, а според востановената практика ќе биде доделен златен сертификат за волонтерство за поединци, организации или волонтерски иницијативи.

- Право на учество имаат граѓански здруженија, фондации, неформални групи, локални самоуправи, јавни институции, државни органи и други организатори на волонтерска работа. Предложените, треба да имаат значителни достигнувања и резултати во волонтерскиот ангажман во текот на 2015 година или пак во промоцијата на волонтерската работа, соопштуваат од МКЦ-Битола.

Јавниот повик и доставувањето на предлозите се врши до 27 ноември во Волонтерски центар на Македонија, во седиштето на МКЦ-Битола.