Јанша: Со строго почитување на сегашните, може да се избегнат драстични мерки
Словенечкиот премиер Јанез Јанша соопшти дека неговата влада ќе избегнува да воведе нови мерки што е можно подолго во сегашниот бран на епидемијата на ковид-19 предизвикана од многу позаразната омикрон варијанта на коронавирусот.
– Ако е можно, нема да ги заостриме сегашните мерки и се надеваме дека ќе го минеме овој бран со почитување на сегашните мерки, изјави Јанша за Словенечката телевизија, но додаде дека земјата е доведена „до раб” поради големиот број заразени што се должи на релативно ниската стапка на вакцинација.
– Дали ќе бидат потребни драстични заострувања зависи од поголема вакцинација, која би ги ублажила последиците од толку голем број заразени лица, додаде словенечкиот премиер и ги повика сите да се придржуваат до мерките и правилата кои се во сила.
Според Јанша, без драстични мерки, сегашната сериозна епидемиолошка состојба би можела да се надмине, но само доколку сите „строго се придржуваат” до постоечките правила.
За евентуалното воведување на задолжителна вакцинација, Јанша потсети дека добар дел од јавноста е против, но дека се уште нема единствено мислење на струката или препораки на ниво на Европската унија.
Според податоците објавени на порталот Siol.net, во Словенија во последните 24 часа се потврдени 7.577 случаи со коронавирус, што е нов рекорден број на дневни инфекции од почетокот на епидемијата. Исто така, тоа се над 3000 повеќе инфекции од седум денови претходно.
Ново на Сител
-
Сопружници завршиле во притвор поради меѓусебна пресметка
-
Благодатниот оган се спушти во храмот над Светиот гроб во Ерусалим
-
Серафимов: Цената на месото не е зголемена за Велигден
-
Вучиќ: Тајван е Кина и точка
-
Одбележување на годишнината од масовното убиство во Мало Орашје и Дубона
-
Во Пустец откриена спомен-биста на Гоце Делчев
-
Во црквата „Св. Спас“ одбележани 121 година од смртта на Гоце Делчев
-
Тешка сообраќајка во Прилеп: Се судриле камион и мопед, возачот на камионот избегал