Јаневска: Oд буџет од 450 милиони евра на МОН не можат да одвојат за учебници за средно образование
Вчера министерот за образование Јетон Шаќири во една реченица ја опиша целата мизерија на власта, тој во телевизиска дебата со мене призна – „Реално немаме пари за учебници по сите предмети во средно образование“.
Ова е срамна изјава од повеќе аспекти. Имено МОН оваа година има буџет од 450 милиони евра, тој е за 8,4% поголем од буџетот за 2022 година, а Шаќири при неговата презентација во Владата на почетокот на годината се фалеше дека се гордее со буџетот кој е развоен и ќе има и за нови инвестиции, и за учебници и за поголеми плати.
Од многу фалење стигнавме до немање пари, па оттука прашуваме на што се трошат 450 милиони евра пари кои МОН ги има во буџетот, ако нема пари за учебници?
Да потсетиме дека оваа Влада немаше пари ниту за свидетелства, кои доцнеа, ниту за учебници во основно кои ги печатеа за еднократна употреба.
Признанието е крајно поразително ако се земе во обѕир дека оваа Влада има пари за златни лажици, ф`стаци и бифтеци, за нови службени возила, за прослави на Рамковен договор и годишнина од формирање на Владата, за енормно скап километар автопат, за братот на Артан Груби, за надзор на градежни фирми кои до вчера произведувале долна облека, за оштета за неизграден Клинички центар - 8 милиони евра, дури и за дресирање на магариња.
Почитувани,
Добро образование и добро структуриран образовен систем ги одредува аспирациите и потребите на државата, како и неjзината иднина, односно судбина. Веќе е сосема познато дека нашето образование е во постојан пад и веќе е на работ на комплетен колапс. Од последната анкета спроведена од Институтот за политички истражувања, а во врска со образованието во Македонија се гледа дека населението е незадоволно од повеќе елементи во образование од кои најмногу од наставните програми, и учебници.
Книгите, односно учебниците, почитувани, за образованието, се од суштинско значење и тие се основа за сите други видови учења. Без нив оние што учат би немале ниту појдовна точка, ниту начин за проценка на својот напредок.
Непотребно е уште да набројувам, разочарувачки е, депресивно и срамно е. Македонија по прв пат од нејзиното постоење има пари за се’ и сешто, а нема пари за книги.
Почитувани,
Се прашувам дали се во право оние кои тврдат дека ова не е случајно.
Прес-конференција на Весна Јаневска, претседател на Комисија за образование и наука на ВМРО-ДПМНЕ
Центар за комуникации на ВМРО-ДПМНЕ
Ново на Сител
-
Доживотен затвор за Усеин Р. кој со 42 убоди од нож ја уби Танкица Младеновска од Кочани
-
Училиштата каде што ќе се гласа на изборите, на 23 април и 7 мај ќе работат до 11 часот
-
„Сакаме да јадеме нешто“: Илјадници патници заробени на аеродромот во Дубаи
-
Во поплавите во Пакистан и во Авганистан загинаа приближно 140 луѓе
-
Одреден притвор за заменик директорот на косовската полиција, останатите полицајци ослободени
-
Битолчанец со воздушна пушка од својот балкон пукал кон куче скитник
-
Петмесечно бебе со пертусис хоспитализирано во прилепската болница
-
Во Велес исчезна 56-годишен маж