Јанев: Ниту еден бугарски војник нема да учествува во Украина доколку дојде до воени дејствија од Русија
Бугарскиот министер за одбрана, Стефан Јанев, на денешната вонредна седница на Националното собрание посветена на тензиите меѓу Русија и НАТО, изјави дека без одлука на парламентот или Советот на министри ниту еден бугарски војник нема да учествува во Украина, доколку во неа дојде до воени дејствија од страна на Русија.
Јанев ги предупреди сите во армијата да се подготват за одбрана на татковината, јави дописникот на МИА од Софија.
Според министерот, сите во Бугарија веруваат дека земјата е речиси на работ на драматичен конфликт на нејзина или на странска територија.
-Всушност, зборуваме за мерки кои Бугарија е во состојба да ги преземе, додаде Јанев.
Тој коментираше дека Бугарија ќе продолжи да се потпира на дипломатските напори за надминување на кризата. Според него, Бугарија повеќе не сака да биде само консумент на безбедноста, туку полноправна и полноценета членка на НАТО, поради што од владата ја бараат најдобрата опција.
-Бугарија ќе направи чекор кон развивање сопствен одбранбен потенцијал, во насока на подготовка на баталјонска борбена група на бугарски војници, под бугарска команда, користејќи ја националната командна група, што ќе биде наш официјален став, рече Јанев, додавајќи дека бугарските анализи не предвидуваат ескалација, планови за заштита на националната територија, ниту, пак, планови планираниот контингент да замине надвор од Бугарија.
Ново на Сител
-
Српско МВР: Се утврдуваат фактите и околностите под кои во полицијата починал Д.Д. осомничен за случајот со Данка И.
-
Гордана Сиљановска Давкова го доби Уверението од ДИК за претседател на државата
-
ЦУК: На 112 изминатото деноноќие 1951 повик, меѓу кои и за спасување жена падната покрај пат
-
САД испраќаат нов пакет воена помош за Украина вреден 400 милиони долари
-
Извозот на компаниите од ТИРЗ во април 300 милиони евра
-
Гордана Сиљановска Давкова и официјално претседател на државата, ДИК објави конечност на изборните резултати
-
Партијата на пензионери ја честита изборната победа на Коалицијата „Твоја Македонија“
-
ДИК треба да објави конечност на резултатите од претседателските избори и потоа да достави извештај до Собранието