Израел: Вакцината на Фајзер е помалку ефикасна при спречување на инфекции

Израел соопшти за намалена ефикасноста на вакцината на Фајзер/БиоНТек против Ковид-19 при спречување на инфекции и симптоматски заболувања, но исто така наведува дека останува многу ефикасна во спречување на сериозни болести предизвикани од коронавирусот.

Намалувањето на ефикасноста на вакцината се совпадна со проширувањето на делта мутацијата на коронавирусот и укинувањето на ограничувањата за физичка оддалеченост во Израел.

– Ефикасноста на вакцината во спречување на инфекции и симптоматски заболувања се намали на 64 проценти од 6 јуни, објави израелското Министерство за здравство.

Истовремено, вакцината на Фајзер е ефикасна 93 проценти во спречување на хоспитализации и сериозни заболувања од коронавирусот.