Изменет сообраќаен режим кај гробиштата Бутел на Духовден

Поради претстојниот верски празник Духовен, на 18.06.2016 година (сабота) сообраќајот кај гробиштата Бутел од 07,00 часот па се додека има потреба од соодветно регулирање, ќе биде пренасочен по ул.„Александар Урдарески“, покрај пазарот „Бутел“, лево по локалниот пат за селото Мирковци и лево по ул.„Боца Иванова“до паркингот пред гробиштата, соопшти денеска МВР.

За излез, возилата треба да се движат по ул.„Боца Иванова“ до кружниот тек. 

Во останатите денови 17.06.(петок) и 19.06.2016 година (недела) кај гробиштата Бутел, Ѓорче Петров и Камник, од страна на сообраќајната полиција од СВР-Скопје ќе бидат преземени сите соодветни мерки за нормално одвивање на сообраќајот.