Изложба на скулптури „Музички орнаменти“ на Емил Солески
Академскиот скулптор Емил Солески синоќа пред домашната, прилепската публика во ликовната галерија на Центарот за култура „Марко Цепенков“ се претстави со тематската изложба на десетина скулптури, насловена „Музички орнаменти“. Станува збор за изложба преку која скулпторот Солески создава апстрактно асоцијативни форми и облици во мермер.
– Изложбата не случајно е со тематски наслов „Музички орнаменти“. Делата се резултат на мојата преокупација со музиката уште од мали нозе, рече Солески.
Според Викторија Димеска, историчар на уметност скулптурите на Солески се сведени на елементарни структури со заоблена органска форма, чии асоцијативни содржини произлегуваат од вредноста на скулпторскиот материјал.
-Овие прочитстени, јасни и едноставни облици асоцираат, односно симболизираат архаични и дамнешни примитивни звуци кои некогаш вдахнувале живот при секое нивно реализирање и отелотворување преку гласот, звукот и танцот, рече Димеска.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка