„Избери живот, гласај зелено!“ е слоганот со кој ДУИ ќе настапи на локалните избори

ДУИ со слоганот „Избери живот, гласај зелено“, кој вчера го промовираше министерот за надворешни работи Бујар Османи, ќе оди на локалните избори во октомври.

„Изберете живот, гласајте зелено“, ова е слоганот со кој ДУИ ќе учествува на локалните избори, бидејќи заедно мора да го оствариме зелениот сон. Изборната кампања треба да расветли како нашите кандидатите уште повеќе ќе ги развијат нашите општини. Како ќе ги направат помодерни и како повеќе ќе ги вклучат граѓаните и секој ден ќе го слушаат нивниот глас“, рече Османи.

Тој додаде дека кандидатите за градоначалници ќе најават модерна инфраструктура, чиста и евтина енергија за сите граѓани, создавање на одржливи работни места за поттикнување на економијата и уште „позелени“ општини.