Истражување: Луѓето кои се негативни на тестот за коронавирус сè уште може да имаат некој имунитет
Луѓето кои се негативни на тестот за коронавирус сè уште може да имаат некој имунитет, покажува најново истражување направено во Шведска.
На секое лице кое е позитивно на антитела доаѓаат две кои имаат специфични Т-келии кои ги идентификуваат и уништуваат заразените клетки, пренесува Би-Би-Си.
Ова е видено дури и кај луѓе кои имале благи симптоми на Ковид-19 или воопшто немаат никакви симптоми. Сепак, сè уште не е јасно дали станува збор за заштита само за индивидуата или може да ги спречи да го пренесат вирусот на други.
Научниците од Институтот Каролинкс во Шведска тестирале 200 лица и за антитела и за Т-клетки. Некои биле крводарители, додека други биле од групата луѓе кои биле првите случаи во Шведска, претежно оние што се вратиле од области како што е северна Италија.
Ова би можело да значи дека поголема група има одредено ниво на имунитет кон Ковид-19 отколку што покажуваат податоците добиени од тестирањето на антитела.
Антителата служат за неутрализирање на вирусот веднаш штом ќе влезе во телото. Ако не успеат, тој може да влезе во ќелиите и да ги претвори во фабрики за производство на вируси.
Т-клетките, од друга страна, ги напаѓаат веќе заразените клетки и целосно ги уништуваат, спречувајќи ги да се шират во други, поздрави клетки.
Ново на Сител
-
Зеленски: Договорот за Газа е добар моментум за завршување на војната во Украина, ни треба мир
-
Трамп: Средба во Будимпешта само со САД и Русија, но ќе бидеме во контакт со Украина
-
МКС очекува апсење на Путин на пат кон Унгарија
-
71-годишна жена измамена со лажна сообраќајна несреќа за сума од 36.300 евра
-
Путин го свика рускиот Совет за безбедност за да го информира за разговорот со Трамп
-
Македонската репрезентација две места подолу на ФИФА рангирањето
-
Жена во Карош со автомобил удрила во автомобилот на партнерот, па му ги дупнала гумите и физички го нападнала
-
Непознато лице од автомобил пукало кон дом во Ѓорче Петров, пронајдени две зрна и оштетување во домот