Иранскиот Хулк се закани: Подготвен сум да ја уништам ИД

Билдерот, кој многумина го нарекуваат „иранскиот Хулк“ вели дека е подготвен да се бори против Исламска држава.

Саџад Гариби изјави дека своите 175 килограми ќе ги искористи во борбата против џихадистите.

Тој ја објави оваа негова доброволна мисија на Инстаграм, каде има 127 илјади следбеници.

За Гариби не се знае многу, но познато е дека овој „Персиски Херкул“, како што е неговиот друг прекар, може да подигне тежина од 200 килограми и да ги брани боите на Иран во натпревари каде треба да се покаже сила.