Иран подготвен да изнесе докази за трговијата со нафта меѓу Турција и ИД

Иран има докази за незаконската трговија со нафта меѓу Турција и Исламската држава и подготвен е на Анкара и јавноста да ги изнесе информациите за тоа, изјави ирански функционер, пренесува „Раша тудеј“.

- Ако Владата на Турција не е информирана за трговијата со нафта на Даеш во таа земја, ние сме подготвени да им ставиме нашите информации на располагање, изјави секретарот на Советодавниот совет на врховниот водач на Иран Мохсен Резаи.

- Иран, прецизираше Резаи, поседува фотогравски и видео докази дека нафтата на ИД влегува во Турција во камиони и подготвени сме тие информации да ги објавиме. Резаи, воедно, ги повика сите земји кои се борат против ИД да се концентрираат на искоренување на тероризмот.