Интерпол уапси повеќе од 1.000 осомничени за кибер криминал во Африка

Интерпол уапси 1,006 осомничени во африкански држави за време на операција за борба против кибер криминал, што траеше два месеца.

Операцијата „Серенгети“, спроведена со Африпол – полициската агенција на Африканската унија, траеше од 2 септември до 31 октомври во 19 африкански земји и беше насочена кон криминалците кои стојат зад дигиталната изнуда и онлајн измама, се вели во соопштението на Интерпол.

„Од маркетиншки измами на повеќе нивоа до измами со кредитни картички во индустриски размери, зголемениот обем и софистицираност на кибер-криминалните напади е причина за сериозна загриженост“, рече генералниот секретар на Интерпол, Валдес Уркиза.