Илјадници луѓе одбележуваат половина година од протестите во Хонгконг
Илјадници луѓе излегоа денеска на улиците на Хонгконг за да одбележат половина година против власта на таа автономна кинеска територија.
Демонстрантите скандирале „Борба за слобода“ и „Бидете со Хонгконг“, формирајќи огромна човечка змија низ центарот на градот.
Многумина држеле подигнати пет прсти, кои ги означуваат петте барања на демонстрантите, вклучувајќи и демократски избори.
Полицијата претходно ги забрани протестите, откако тие станаа насилни, но го дозволи денешниот марш по неколку недели релативен мир.
Во меѓувреме, пред самиот почеток на денешниот протест беа уапсени 11 луѓе, откако кај нив било пронајдено големо количество оружје.
Осомничените се уапсени поради поседување огнено оружје без дозвола, носење предмети кои можат да причинат штета, за поседување забрането оружје и за незаконско собирање.
Првпат од почетокот на протестите е одземен пиштол, што предизвикало вознемиреност меѓу органите на редот и мирот. Одземени се и палки, ладно оружје, солзавци и два панцира.
Се претпоставува дека дел од притворените се припадници на радикална група, која во октомври ја гаѓаше полицијата со молотови коктели.
Од јуни во Хонгконг се одржани над 900 собири и протестни маршови. Во тој период се уапсени околу шест илјади луѓе, а против 932 демонстранта се покренати обвиненија.
Ново на Сител
-
Во Атина уапсени две лица кои пуштале во продажба ковид тестови и медицински маски со изменет рок
-
Фамелос: Ратификацијата на меморандумите ќе ја унапредеше соработката
-
Викендов променливо облачно, наместа нестабилно со дожд и грмежи
-
Амбасада на САД во Сараево: Додик е на опасен пат, „раздружувањето“ на БиХ значи крај на РС
-
На ГП Табановце влегле и излегле над 18.000, на ГП Богородица скоро 16.000 патници од 10 вчера до 10 утрово
-
Џафери: Значењето на светите браќа Кирил и Методиј е безвременско и обврзувачко, секој да го најде патот и да се вложи во напредокот
-
76-годишник почина откако се превртел со трактор
-
Иранска армија: Хеликоптерот на Раиси не бил нападнат, се запалил по падот