„Игла под прагот“ со Ристановски во „Синеплекс“ од 2 март
Црногорско-српската црна комедија „Игла под прагот“, режисерски првенец на Иван Мариновиќ, во која главната улога ја игра Никола Ристановски, од 2 март ќе се прикажува во киното „Синеплекс“.
Светската премиера на оваа копродукција беше на фестивалот во Сараево, по што следуваа претставувања на повеќе фестивали во САД и Австралија, а за својата улога Ристановски ја доби наградата „Златен делфин“ за најдобар актер на 4. Босфорски интернационален филмски фестивал во Истанбул.
Режисерот Мариновиќ (1984) е автор и на сценариото на филмот. „Игла под прагот“ раскажува за жители на мало село на полуостров кои се на прагот да продадат голем имот во парохијата на поп Петар (Никола Ристановски) и со тоа да ги решат сите свои проблеми. Единствената пречка на нивниот пат е тврдоглавиот поп Петар кој одбива да го продаде својот дел.
Покрај со итрите селани кои секојдневно му го загорчуваат животот, Петар се соочува и со деменцијата на својата мајка (која ја игра актерката Јелисавета Сека Саблиќ), со вљубеноста на опседнатата Мара, со бунтовноста на синот-тинејџер и со постојаното преиспитување на сопствената вера.
Во актерската екипа се и Сека Саблиќ, Богдан Диклиќ, Леон Лучев..., а покрај Ристановски, македонско учество во филмот има и музиката на Тони Китановски.
Ново на Сител
-
Тема на денот со Андреј Петров
-
Африм Гаши избран за претседател на Собрание
-
Од рапер до претседател на Собрание - Кој е Африм Гаши?
-
Нов собраниски состав
-
Силјановска Давкова: На венецот во Рим сакав да пишува РС Македонија, но немаше место
-
Внатрепартиски избори во СДСМ на 30 јуни: Кој ќе влезе во трката за претседателското место?
-
Затворените сали на Хирургија го блокираа цел здравствен систем!
-
Од 1 јуни Македонците полесно до работна виза во Германија