И покрај прекинот на наставата, владата веројатно нема да размислува за одработување на загубените часови

И покрај прекинот на наставата, во владата не се размислува за одработување на загубените училишни денови ниту во викенди ниту по 10ти јуни, брифираат владини извори. Министерството за образование и Бирото за развој на образованието ќе бидат задолжени да ги прилагодат програмите и да ја организираат наставата согласно пропуштените денови. Забранети се сите вон школски активности- курсеви, тренинзи и други дополнителни активности. Игротеките нема да бидат затворени но апелот е родителите да избегнуваат ризици за своите деца.

Приватните компании исто како и јавниот сектор ќе бидат задолжени да овозможат на еден од  родителите на деца помали од 10 години да останат дома и да се грижат за нив. Институциите ќе предложат начини за регулирање на овој процес но отсуството ќе мора да биде платено од работодавачите. Засега не се размислува за помош и ослободувања за фирмите.

Во овој момент останува планот за забрана на собири помасовни од 1000 лица, но во согласност со развојот на анстаните бројката која е поставена како лимит може да биде и намалена.