Хрватска почна со испорака на донирани вакцини во БиХ, Црна Гора и Косово

Хрватското Министерство за здравство потврди дека почнала испораката на донацијата од 50.000 дози вакцини против Ковид-19 во Босна и Херцеговина, Црна Гора и Република Косово.

Донацијата ќе биде доставена во рок од четири дена, до 7 јуни, и содржи вкупно 50.000 дози вакцини, од кои 30.000 дози се наменети за БиХ.

По десет илјади дози одат во Црна Гора и Република Косово, одлучи владата пред еден месец во Одлуката за испраќање хуманитарна помош во БиХ, Црна Гора и Република Косово.

Од 30 000 дози на вакцини Астра Зенека за БиХ, 15.000 дози се наменети за Универзитетската клиничка болница во Мостар, а останатите 15.000 дози за соодветни здравствени установи во БиХ.

Министерството за здравство наведува дека примателот не сноси никакви трошоци поврзани со испораките и дека финансиските средства се обезбедени од државниот буџет на Република Хрватска за 2021 година и проекциите за 2022 и 2021 година.