Хорор скриена камера

Тимот „ДМ Пранкс“, познат по неколкуте успешни видеа со скриена камера, сними нов запис, овој пат во Лас Вегас, кој многумина го оценија како еден од најстрашните досега.

За потребите за снимање на видеото авторите на неколку часа закупиле една бензиска станица, каде ги преплашувале возачите и нивните сопатници кога ќе застанеле да наполнат бензин.

Буквалното преплашување на случајните минувачи на бензиската станица веројатно не им било доволно, па дел од видеото тимот го снимил и во хотелот „Циркус Циркус“.

Целта на видото било да се направи уште еден интернет хит, но и да се изработи реклама за забавниот хорор парк „Фрајт Дом“.