Хамнеи: Протестите ги потикнуваат непријателите на Иран
Иранскиот врховен верски водач, ајатолахот Али Хамнеи преку пишана порака ги обвини „непријателите на Иран“ за поттикнување на масовните протести.
- Во изминатите денови непријателите на Иран користат разни инструменти - пари, оружје, политика и разузнување, за да создадат проблеми во Исламската Република, обвини ајатолахот Хамнеи, преку соопштение објавено на неговата интернет страница.
Хамнеи најави дека ќе и се обрати на нацијата за протестите кога „ќе дојде вистинскиот момент за тоа“.
Иранскиот претседател Хасан Рохани, пак, изјави дека протестите се помогнати од страна на САД и Израел, кои „не можат да ги поднесат геополитичките успеси на Иран“.
Американскиот претседател Доналд Трамп и израелскиот премиер Бенјамин Нетанјаху им изразија поддршка на демонстрантите, додека пак Русија ги повика странските држави да не се мешаат во иранските политички прашања.
Најмалку 21 лице, од кои повеќето демонстранти, беа убиени за време на протестите што почнаа во четвртокот во градот Масшад, додека само во главниот град Техеран се уапсени повеќе од 450 демонстранти.
Како што претходно јави МИА, претседателот на иранскиот Револуционерен суд, Муса Газанфарабади, изјави дека уапсените демонстранти може да се соочат и со смртна казна.
Според Газанфарабади, едно од обвиненијата кои може да бидат поднесени против нив е за „мохарабех“, кривично дело кое означува „објавување војна против Господ“, што во Иран е казниво со смрт.
Газанфарабади додаде дека постојат закони и против учество во протести кои не се одобрени од Министерството за внатрешни работи, и дека демонстрантите може да одговараат и по тој основ.
Ново на Сител
-
ВО ЖИВО: Уставен остана без претседател
-
Гласачкото ливче со двајца, а желба за член на Судски совет има еден кандидат
-
Замениците ги преземаа министерствата
-
Прва координација кај Гаши - партиите без договор за формирање на собраниските тела
-
Филипче ќе се кандидира за претседател на СДСМ, во трката се Петровска и Деспотовски
-
Две третини од граѓаните на лето се ладат во автобуси и трговски центри оти немаат пари да го изладат домот
-
Нема операции, пациенти си одат дома без интервенции
-
Одложено судењето за Мерко