Хамилтон: Раководството е виновно за досадните трки
Луис Хамилтон во неделата стигна до својата четврта победа во низа и шеста оваа сезона без релативно голема мака на Француското ГП, по што изјави дека возачите не се виновни за досадните трки, туку тие кои ги создаваат правилата.
„Ќе разберам ако ја наречете трката досадна. Но, не покажувајте со прст кон возачите, бидејќи ние не сме тие кои ги пишуваме правилата. Притисокот треба да се насочи кон тие што се на чело, кои треба да ја вршат својата работа. Мислам дека се обидуваат да направат добра работа, но многу години има само лоши одлуки“, вели Хамилтон.
Британецот има 36 поени предност пред својот тимски колега Валтери Ботас, додека Себастијан Фетел во Ферари на третото место заостанува 76 поени, со што надежите за интересна сезона со тесно тркање и борба за титулата се завршени и пред летната пауза во Ф1.
Мерцедес сега имаат 10 победи во низа (осум оваа сезона и две на крајот на минатата), а Хамилтон беше најбрз на сите тренинг-сесии и на квалификациите во Франција. Во текот на трката тој не требаше да претекне никого, ниту да ја брани својата позиција од Ботас, кој заостана 18 секунди.
Ново на Сител
-
Брнабиќ: Во следните 48 часа ќе има седница на која Вучевиќ ќе предложи министри за новата влада
-
Две лица се повредени во пожар во фабрика за ракетни погонски системи во близина на Белград
-
Кина испрати воени авиони кон Тајван откако американскиот државен секретар го напушти Пекинг
-
Мотоциклист излетал од патот и удрил во паркирано возило
-
Милановиќ: Хрватска е дното на ЕУ, Бугарија е единствено полоша
-
Судење на Трамп: Издавач на таблоид призна дека ја „закопал“ приказната за аферата со моделот на Плејбој
-
Гир: Првиот круг од изборите мина генерално мирно и демократски
-
Пронајдено е 76-годишното лице во кавадаречко по кое се трагаше од вчера