Гвардиола: Ни требаше оваа победа, по Нова година ќе биде подобро

Менаџерот на Манчестер Сити, Пеп Гвардиола изрази задоволство од успехот на неговиот тим над Лестер со 2:0. 

Ова беше прв успех за „граѓаните“ во последните два месеци, на средбата број 500 за Каталонецот на чело на шампионот на Англија.

-Ни требаше оваа победа. Не се претставивме најдобро, но да се надеваме дека со победите ќе успееме да се прикажеме во подобро светло. Победата беше важна и бидејќи второто полувреме беше многу рамноправно и тешко. Ја немавме потребната енергија да ги одиграме сите 90 минути на високо ниво, но се надеваме дека во новата година ќе можеме подобро да одговориме, изјави Гвардиола по мечот. 

Според Каталонецот, Сити е во ситуација кога резултатите се најважни и единствено на што размислуваат е освојување на бодови. 

-Денес работите испаднаа добро, а сега имаме домашен меч пред нас. Ни олесна. Тоа е зборот што најдобро опишува како се чувствуваме. Постигнавме неверојатни работи, но сега се бориме да победиме во натпреварите и полесно ни е, додаде тој.