Груевски доби 30-дневен притвор и за „Титаник“
– Поранешиот премиер Никола Груевски, кој е во бегство во Унгарија, денеска доби нов 30-дневен притвор и за предметот „Титаник“ на СЈО.
Судијата Осман Шабани, кој е претседател на Судечкиот совет, на денешното рочиште во Кривичниот суд, во однос на предлогот за определување мерка притвор за Груевски, рече дека Советот донел одлука на обвинетиот да му се одреди мерка притвор во траење од 30 дена, сметано од денот на неговото пронаоѓање.
Мерката притвор беше побарана на минатото рочиште од страна на обвинителката на СЈО Лиле Стефановска. Претходно, Судот одлучи на Груевски да му се суди во отсуство.
Денешното рочиште за „Титаник“ продолжи со читање на СМС пораки. Најголем дел од СМС пораките што се презентираат во судница се меѓу обвинетите Миле Јанакиески и Гордана Јанкулоска и се однесуваат на организирање на гласачи од дијаспората за изборите во 2011 година.
Од СМС комуникацијата се гледа како била договарана изработка на пасоши и регрутирање гласачи и кандидати преку дипломатските претставништва во странство, но и активности за организирање гласачи во институциите.
Рочиштето доцнеше околу половина час за спроведување од притвор на обвинетиот Миле Јанакиески.
Во судница е присутен и технички советник на предлог на одбраната
Популарно од Македонија
Ново на Сител
-
ЦУК: Вкупно 14 пожари на отворено, два сѐ уште активни
-
Ѓорѓиевски: Со пуштање на мостот „Генерал Михајло Апостолски“ и Градскиот воз, Скопје ќе добие поефикасен и побрз сообраќај
-
Ѓорѓиевски: Наскоро тендер за целосно сервисирање на жичницата, остранувањето на дивоградбите продолжува
-
Оперативна акција Global Chain за сузбивање на трговија со луѓе: Откриени три кривични дела и 49 прекршоци во нашата држава
-
Трамп: Или ќе биде постигнат договор со Иран или САД ќе ја довршат работата
-
Јаневска: Околу 30 ученици испратени на меѓународни научни олимпијади без грижа за трошоци
-
ОЈО Скопје бара мерки на претпазливост за три лица за насилство врз дете во Маџари
-
Трамп: Решавањето на украинскиот конфликт е поблиску отколку што мислат луѓето
