Граѓаните со симптоми на коронавирус да не одат, туку да се јават кај матичниот лекар
Владата на Фејсбук ги повика граѓаните доколку имаат симптоми типични за коронавирус, како температура, треска, кашлица, отежнато дишење, да се јават телефонски кај нивниот матичен лекар.
-Јавете се телефонски, не одете директно во посета. Матичните лекари преку епидемиолошка анкета ќе утврдат дали треба да се тестирате или не. Доколку треба, преку системот „Мој термин“ тие за вас ќе закажат точно време и место за тестирање, пишува во апелот на Владата.
Потсетува дека во функција се 14 центри за тестирање на територијата на целата земја за земање брисеви и тие се веќе објавени на сајтот на „Мој термин“.
-Со ова, практично, во функција ги ставаме сите, близу 1 200 матични лекари, кои ќе се вклучат во процесот на дијагноза, но и во водењето на пациентите, соопштува Владата.
Ново на Сител
-
Министерство за правда изрази благодарност до турските власти за екстрадицијата на Палевски
-
МВР: Екстрадиран Љупчо Палевски, пренесен е во КПУ Затвор Скопје
-
АМСМ: Камионите се пренасочуваат од Блаце, има проблем со терминалот
-
Путин: Руските сили напредуваат на сите фронтови во Украина
-
Герапетритис: Ќе бидеме строги за верното и доследно спроведување на Договорот од Преспа од Северна Македонија
-
Палчо вечерва слетува во Македонија - ќе биде пренесен во Шутка
-
Грчки пратеник го искина Преспанскиот договор при собраниска седница
-
Пронајдена почината Аргентинка во хотелска соба во Охрид