Граѓаните и компаниите се одзваа на апелите за хуманост

По апелите за хуманост и солидарност, покрај граѓаните, веднаш реагираа и поголемите македонски компании кои испратија пакети хуманитарна помош за жителите на населените места коишто се најпогодени од невремето што во текот на вчерашниот ден ја зафати територијата на Република Македонија.

Пакети со производи неопходни за населението во најпогодените подрачја веќе испратија Алкалоид, Кожувчанка, Андрос од Охрид, Пелистерка и Суна од Битола, Витаминка – Прилеп.

Хуманитарна помош е испратена и од Македонската православна црква и од Католичката црква.