Голем пожар избувна кај битолско Ротино, ситуацијата критична

Пожар вечерва избувна кај битолското село Ротино, објави телевизијата Тера. Пожарот зафатил и едно возило кое се движело на патот и изгорело. Засега нема информација за евентуално повредени.

 

Противпожарната единица на Битола е на терен и состојбата според зборовите на командирот е многу опасна.Во гаснењето на пожарот е вклучено и локалното население.

 

Според информацијата на телевизијата, пожарот избувнал кај селото Цапари и зафати нискостеблеста шума. Ветерот кој доцна попладнево го имаше во регион, овозможил брзо ширење.