Ѓукановиќ ја презеде функцијата претседател на Црна Гора
Мило Ѓукановиќ денеска во Цетиње положи заклетва и официјално ја презеде функцијата претседател на Црна Гора.
- Се колнам со мојата чест на Уставот на Црна Гора дека должноста претседател на Црна Гора ќе ја извршувам совесно и одговорно за доброто на сите граѓани на нашата татковина. Како претседател на државата ќе се посветам на чувањето на независноста и суверенитетот на Црна Гора и нејзината афирмација како граѓанска, демократска, еколошка и држава на социјална правда, заснована на владеење на правото, истакна Ѓукановиќ во заклетвата.
Освен пратениците во црногорскиот Парламент, пред кои Ѓукановиќ положи заклетва, на свечената седница присуствуваа највисоки поранешни и сегашни државни функционери и челници на државни институции.
На седницата беа поканети и членови на Владата, верски лидери, ректори на универзитети, членови на дипломатскиот кор, нерезидентни амбасадори, воени аташеа и претставници на меѓународни организации.
Црногорската опозиција ја бојкотираше инаугурацијата на Ѓукановиќ, кој на функцијата го замени партискиот колега Филип Вујановиќ.
Ново на Сител
-
Три лица приведени за грабнување и малтретирање на скопјанец
-
Средба на претседателката Сиљановска Давкова со турскиот амбасадор Фатих Улусој
-
Левица прифаќа реорганизација на министерствата, ако ВМРО-ДПМНЕ прифати една изборна единица
-
Анкета: Младите се помалку заинтересирани за изборите во ЕУ, иако имаат позитивно мислење за нив
-
ЦУК: Безживотно тело извлечено од реката Тополка
-
Мицкоски: Во секоја моја изјава ќе користам Македонија
-
Во Урошевац уапсени двајца косовски Албанци осомничени дека шпионирале во корист на Србија
-
Шабани: Има привремено, неопходно е трајно решение на проблемот со оперативниот блок на хирургија