Франгов направи увид во изградбата на неколку објекти
Градоначалникот на Гевгелија Иван Франгов денеска ги обиколи градилиштата на неколку комунални објекти на територијата на општината каде се уште активно се работи.
Франгов прво го посети селото Моин каде привршува изградбата на новата канализациска мрежа, а потоа беше и во Давидово каде што, пак, денеска почна изградбата на нова канализациска мрежа.
Гевгелискиот градоначалник за МИА рече дека двата проекти се реализираат во рамки на ИПАРД програмата за подршка на руралниот развој преку која се обезбедени 19,7 милиони денари, а пак од општинскиот буџет за истата цел се обезбедени 2,6 милиони денари.
Денеска Франгов беше во обиколка и на завршните работи од реализацијата на втората фаза на одводниот канал „Рауљ“ кој ќе биде целосно комплетиран со овие околу 1.100 метри од улицата „Индустриска“ до влезот во реката Вардар. Изградбата на одводниот канал е дел од ИПА проектот за кој од ЕУ беа одобрени 342.000 евра.
Ново на Сител
-
Царинската управа ќе работи на воспоставување на нов граничен премин Клепало
-
Музиката може да поттикне побрз раст и развој на растенијата
-
Јаневска: До крајот на мандатот услови за едносменска настава во сите училишта и ангажирање на 3000 вишок наставници
-
Фудбалски тим од третата грчка лига останал без опремата додека со траект патувал од Крит за Атина
-
„Јутјуб“: Кусите видеа ќе траат до три минути
-
Истражување: На кучето треба полека да му се говори
-
Модни трендови: „Рециклирање“ облека и модни додатоци
-
Нова промена на цените на горивата од полноќ