ФИА го казнува Фетел?!
Меѓународната автомобилска федерација(ФИА) покрена во среда истрага против возачот на Ферари Себастијан Фетел, откако намерно се судри со Луис Хамилтон од Мерцедес за време на трката за Големата награда на Азербејџан.
Фетел за време на трката во Баку минатата недела намерно се судри со Хамилтон во време кога безбедносното возило беше на патеката, што е забрането.
Германецот за време на трката беше казнет со 10 секунди, а ФИА денеска покрена истрага и ќе одлучи дали дополнително ќе го казни четирикратниот светски првак.
Фетел по трката го обвини Хамилтон дека намерно сопирал и ги тестирал сопирачките.
Но, според податоците од болидот на Хамилтон, утврдено е дека тој не се однесувал невообичаено.
Фетел трката ја заврши на четвртото, а Хамилтон на петтото место.
ФИА минатиот октомври го предупреди Фетел на неговото однесување, откако Германецот за време на трка во жолчна расправа преку радио го опцу директорот на ФИА, Чарли Вајтинг.
Во генералниот пласман на возачи во шампионатот на Формула 1, Фетел е прв со 14 бодови предност пред Хамилтон
Ново на Сител
-
Кривична пријава за полициски службеник за малтретирање во вршење на службата
-
Обид за атентат врз словачкиот премиер по состанок на Владата
-
Нетанјаху ја отфрли Резолуцијата на ОН за поддршка на признавањето на палестинската држава
-
Часовници на Шумахер продадени на аукција за 4,1 милион евра
-
Намалени производството и продажбата на шумски производи
-
Тинејџерка со автомобил излетала од патот, тешко повредена сопатничката
-
За 216,2 отсто зголемени откупот и продажбата на земјоделски производи
-
Закани кон претседателката на Уставен суд Добрила Кацарска, пријавено во МВР