Фатени неготинци кои во „голф“ се возеле со над милион и пол денари

На 29.06.2022 во 22.40 часот на магистралниот пат Охрид-Ресен, во с.Избишта, ресенско, полициски службеници од Полициската станица Ресен ги лишиле од слобода И.И.(32) и С.А.(32), двајцата од Неготино, соопшти МВР.

При преглед во возилото „фолксваген голф“, со скопски регистарски ознаки, кое го управувал И.И., а С.А. бил сопатник, биле пронајдени 1.665.000 денари, за кои не поседувале соодветна документација.

По целосно документирање на случајот ќе биде поднесена соодветна пријава.