Европската агенција за лекови го препорача „ремдесивир“ за третман на коронавирус
Европскиот регулатор денеска објави дека нејзиниот одбор препорача употреба на лекот „ремдесивир“ кај возрасни лица и деца на возраст од 12 години, дијагностицирани со пневмонија за чие лекување е потребен внес на кислород.
Цената на лекот во Европа сè уште не е позната. Во САД „ремдесивир“ би можел да чини и до 5.080 долари за третман, а генерички лек од индиски производител може да се продава од 66,13 до 79,35 долари.
Условното зелено светло на ЕМА значи дека лекарите можат да препишат „ремдесивир“, кој во Европа ќе се вика „веклури“ кога ќе биде одобрен од Европската комисија.
Условното одобрение за продажба во Европската унија дозволува терапијата да се продава кога се достапни сите податоци за дејството на лекот и неговите несакани ефекти.
„Гилеад“ мора да ги достави конечните податоци до декември.
Како што пренесуваат странските агенции, побарувачката за лекот се зголеми, бидејќи се покажа како ветувачки лек во клиничките испитувања.
Студијата спроведена од ЕМА покажа дека пациентите со Ковид-19 се опоравуваат во просек четири дена побрзо од другите пациенти.
Првично развиен како лек против хеморагична треска од ебола, „ремдесивир“ од лабораторијата на американскиот производител „Гилеад“ е првата терапија која покажа одредена ефикасност кај хоспитализирани пациенти со Ковид-19.
„Гилеад“ очекува да произведе повеќе од два милиона дози до крајот на годината, двојно повеќе од првичната цел. Исто така, планира да започне поедноставни форми за примена, како инхалатор во споредба со интравенската.
„Ремдесивир“ веќе е одобрен за итна употреба кај неколку тешко болни пациенти во САД, Индија и Јужна Кореја, а конечно одобрение дадоа и јапонските власти.
Популарно од Свет
Ново на Сител
-
ИЕА очекува пад на производството на нафта во 2026 година на околу 102,2 милиони барели дневно
-
Полицаец во обид да избегне лисица паднал со службен мотор на Водно
-
Мицкоски: Разгледани клучните реформски приоритети за европската интеграција
-
АХВ: Не сме дале изјава дека вчера заловеното животно во Козле е куче, а не волк
-
Паника и недостиг од излези во „Пулс“, стои во пишаните сведоштва на две девојки, одбраната побара да не се прифатат овие докази
-
Јаневска по случајот со повредениот ученик: Неопходна е секторска соработка, но и родителите да посветат внимание на своите деца
-
ВМРО-ДПМНЕ е промакедонска партија, тоа што СДСМ одамна го изгуби својот идентитет е нивен проблем со кој брзо ќе се соочат на избори, вели Мицкоски
-
Љупчо Николовски повикан во полициска станица, тврди дека случајот е политички монтиран
