Ерменија и Азербејџан се договорија за нормализирање на односите и размена на затвореници
Ерменија и Азербејџан, кои долго време се во воен конфликт околу енклавата Нагорно Карабах, денеска најавија дека ќе преземат конкретни мерки за зајакнување на довербата, нормализирање на односите и размена на затвореници.
Во заедничката изјава објавена по разговорите меѓу претставниците на кабинетот на ерменскиот премиер и азербејџанското претседателство, Ереван и Баку ја повторија својата намера за нормализирање на односите.
Тие исто така се договорија 32 ерменски воени заробеници да бидат ослободени во замена за двајца заробени азербејџански војници.
Во заедничкото соопштение се наведува дека двете земји го делат ставот дека постои „историска шанса да се постигне долгоочекуваниот мир во регионот“.
„Двете земји ја потврдуваат својата намера за нормализирање на односите и постигнување мировен договор врз основа на почитување на принципите на суверенитет и територијален интегритет“, се наведува во соопштението објавено по разговорите меѓу претставниците на двете страни.
Ново на Сител
-
Полициските хеликоптери исфрлија над 120 тони вода врз пожарите кај селото Тажево и „Јасен“
-
Скопјанец ги претепал сопругата и малолетниот син, ја искршил и влезната врата од зградата
-
Претрес во скопско, пронајдено оружје и муниција | ФОТО
-
ЕУ ѝ префрла на Украина 1,5 милијарда евра приход од замрзнати руски средства
-
Тетовчани се скарале поради паркинг место, по што едниот извадил пиштол и му се заканил на другиот
-
Драма во Собрание: Неколку пратеници добиле заканувачки пораки
-
Институциите премолчуваат глорификација на терористи и прекршување на Законот за јазиците обвинува Левица
-
Комбе со мигранти се преврте на автопатот кај Бела Паланка, околу 50 повредени