Ердоган: Агресија е секое соборување турски авион при нарушување на воздушниот простор на Сирија
Анкара ќе ја смета за агресија ситуацијата во која нејзин борбен авион ќе го наруши воздушниот простор на Сирија и биде соборен од руска протиавионска ракета, изјави турскиот претседател Реџеп Таип Ердоган во интервју за телевизијата Си-Ен-Ен, од кое дел беше емитувано вчера, пренесе ТАСС.
„Ваков инцидент е можен и тој ќе не присили да преземеме мерки кои безусловно не се разгледуваат, изјави Ердоган. „Се разбира, тоа ќе биде агресија против нашето право на суверенитет и за државата е природно да го штити тоа право“, посочи турскиот премиер.
Ердоган во интервјуто уверува дека Турција не сака ескалација во регионот.
-Ние не сакаме да учествуваме во тоа. Но оние кои застануваат на страната на Сирија и придонесуваат за нараснување на тензиите, според мене ја носат одговорноста за тоа, подвлече шефот на државата.
Одговарајќи на прашањето дали префрлањето од Русија во Сирија на ракетниот комплекс С-400 „Триумф“ го оценува како закана за Турција и другите членки на коалицијата предводена од САД, Ердоган забележа дека „Русија одамна на Сирија и дава поддршка во областа на одбраната, уште од времето на владеењето на таткото на Башар Асад, Хафез ел-Асад. Русија на Сирија и продавала или и дава вакви ракетни системи. Невозможно е да се тврди дека тоа веќе не било направено минатата година“.
Ново на Сител
-
Врховниот судија Георгиев и членот на совет на обвинители Мемети осомничени за поткуп - Георгиев фатен на дело
-
Љупчо Палевски Палчо пред судија на претходна постапка за мерката притвор
-
Изборен молк - Утре ќе се прегласува во 5 и 6 ИЕ за два пратеника
-
ССМ пресмета: Месечно потребни се над 1,000 евра за да се преживее
-
Земјоделците од Иловица и Штука блокираа пат поради откупната цена на младиот компир од само 15 денари
-
Хируршките сали не работат со денови - Бесија Иљази од токсикологија забрани изјави за новинари
-
ССЗ против намерата за припојување на болницата во Лешок кон Клиничката во Тетово
-
Полиција и куп инспектори влегоа во забавниот парк во Карпош