„Економист“: Мелбурн најдобар град за живеење во светот

Шеста година по ред, австралискиот магаполис Мелбурн е прогласен за најдобар град за живеење во светот, според изборот на аналитичкиот оддел на „Економист“. 

Според квалиетот на живот, на второто место е австрискиот главен град Виена, а потоа следуваат Ванкувер (Канада), Торонто (Канада), Калгари (Канада), Аделаид (Австралија), Перт (Австралија), Оукленд (Нов Зеланд), Хелсинки (Финска) и Хамбург (Германија). 

На листата на „Економист“ се најдоа 140 градови од целиот свет, кои се рангирани по 30 критериуми, меѓу кои и нивото на безбедност и квалитетот на здравствената заштита, образованието, инфраструктурата, културата и животната средина.

Според аналитичарите на „Економист“ најдобри за живеење се градовите со средна големина во богатите земји, со релативо мала густина на населението.

На дното на листата се најдоа Дамаск (Сирија), Триполи (Либија) и Лагос (Нигерија). Единствен европски град меѓу последните десет на листата е украинската престолнина Киев.