Еко-патрола го едуцира еснафот на Старата скопска чаршија за правилно постапување со отпадот

Еко-патрола на ЈП  „Комунална хигиена“ – Скопје во текот на изминатата недела спроведе едукативни активности за правилно постапување со отпадот со сопствениците на дуќаните и угостителските објекти во Старата скопска чаршија и на Пластичарската улица.

Дуќанџиите, информираат од Јавното претпријатие, беа информирани за Законот за јавна чистота и едуцирани како правилно да го исфрлаат својот отпад, додека угостителите за правилното третирање на отпадот од храна, со цел да се избегне создавањето на исцедоци и ширењето заразни болести.

-Екипите на ЈП „Комунална хигиена“ – Скопје секојдневно се соочуваат со неправилно одлагање на отпадот од пакувања и остатоци од храна, како и непочитување на наведените термини за одлагање на отпадот во Старата скопска чаршија и на т.н. Пластичарска улица, односно булеварот „Никола Карев“, потенцираат од Јавното претпријатие.