Една милијарда евра од ЕИБ за кредити за мали и средни фирми во Грција

Европската инвестициска банка (ЕИБ) отвори кредитна линија од една милијарда евра, средства за грчките банки за давање заеми за мали и средни претпријатија во Грција, објавија грчки медиуми.

За новата кредитна линија информираше шефот на ЕИБ, Вернер Хајер за време на посетата на Атина. Првите договори за тие пари се потпишани со Алфа банка, Националната банка на Грција и на Банката Пиреос.