ДЗС: Тврдењата за бојкот на пописот се измислени и целосно неточни
Граѓаните масовно се попишуваат, а бројките за наводни одбивања за попишување се измислени, целосно неточни и немаат никаков допир со реалноста, велат од Државниот завод за статистика (ДЗС) на прашање на МИА во врска со тврдењата дека има бојкот на пописот.
– Дури и кај изолираните случаи на граѓани кои во прв момент не се попишале, подоцна при последователните контакти ја оствариле својата обврска и дале свој придонес и учество во пописот, посочуваат од Заводот.
Од ДЗС посочуваат дека казни не се пишуваат, бидејќи за тоа нема потреба.
– Попишувачите и граѓаните на терен соработуваат одлично, додаваат од Заводот во одговорот за МИА.
Според податоците на ДЗС до вчера до 20 часот вкупно биле попишани 1.037.309 лица, 323.286 домаќинства и 438.705 станови, а можноста за самопопишување во странство досега ја искористиле 193.370 лица.
Пописот на населението, домаќинствата и становите во земјава, кој официјално започна на 5 септември ќе трае до 30 септември.
Ново на Сител
-
КСЗД го презентираше извештајот за минатата година
-
Две лица осомничени за поткуп – се чека притвор за врховниот судија
-
Почнува процесот на прегласување за парламентарните избори
-
Преглед на вестите од светот
-
Уапсен врховниот судија Наке Георгиев фатен на дело со 10,000 евра мито
-
Приведен судија од Врховен суд за примање поткуп
-
Тема на денот со Срѓан Керим
-
Преговорите за Влада во напредна фаза, ВМРО-ДПМНЕ инсистира на квалитетни кадри од албанскиот партнер