Џафери-Улман: Швајцарија и Македонија ги поврзува искрено пријателство
Претседателот на Собранието Талат Џафери денеска имаше средба со новата амбасадорка на Швајцарија во Република Северна Македонија Вероник Улман Марти на која истакна дека двете земји ги поврзува искрено пријателство, засновано на соработка и меѓусебно почитување.
Како што се наведува во соопштението од Собранието, Џафери потенцирал дека во Швајцарската Конфедерација, Северна Македонија гледа голем и искрен сојузник во процесот на остварување на надворешно политичките приоритети на земјата.
Исто така, го поздрави трудот и посветеноста на Швајцарската Амбасада кој е претставник на швајцарската Влада за Проектот „Програма за поддршка на Парламентот“, кој има за цел да обезбеди инклузивно и поефикасно функционирање на институцијата, односно целокупно институционално јакнење, унапредување на законодавната и надзорната функција и овозможување на соодветен пристап и транспарентност во работата на Собранието на Република Северна Македонија за граѓаните и граѓанските организации, особено маргинализираните групи, преку зајакната транспарентност и отчетност.
Џафери искажа подготвеност и во иднина да ја поддржува парламентарната соработка на двете земји на сите нивоа, и во таа насока, упати возвратна покана до претседателот на Сојузниот Парламент на Швајцарската Конфедерација, во взаемно прифатлив период и штом го овозможат тоа околностите и ситуацијата со Ковид 19.
Амбасадорката Улман, констатирајќи дека односите на двете земји се одлични, нагласи дека Република Северна Македонија стана еден од најважните партнери за соработка на Швајцарската Конфедерација, а клучниот елемент во билатералните односи е Швајцарската програма за билатерална соработка.
-Новата програма за соработка беше одобрена на почетокот на оваа година. Истата се фокусира на инклузивно демократско владеење, вработување и одржлив економски развој, како и на животната средина и одржливите јавни претпријатија, додаде Улман.
Таа стави особен акцент на приоритетите во реформирањето на Собранието на Република Северна Македонија за да биде поефикасно, пофункционално, особено во однос со јавноста, се посочува во соопштението.
Соговорниците, имајќи предвид дека нема отворени прашања меѓу двете земји, изразиле лично уверување дека и во наредниот период ќе се продолжи во истата насока на зајакнување на взаемните односи.
Ново на Сител
-
Енормно зголемена потрошувачката на вода во Скопје
-
Ротацијата на Земјата се забрзува: Денот денеска покус за 0,00134 секунди
-
МФ ја исплати Првата граѓанска обврзница и каматата од 5 отсто за втората година
-
Бидете внимателни при онлајн купувањата и запознајте се со ризиците во дигиталниот простор, апелира Јанкоски од Народна банка
-
Српската Влада префрли 1,8 милиони евра за субвенции за мајки кои сакаат да купат стан по раѓањето дете
-
ЦУК: Активни шест пожари, под контрола пет
-
Науката потврди: Многумина кои прекинуваат со лекови за слабеење, повторно накачуваат тежина
-
Пентагон повлекува 700 маринци распоредени во Лос Анџелес поради протестите