Две нови победи за Ѓорческа

Македонската тенисерка Лина Ѓорческа, која е прва носителка на фјучрсот во Анталија оствари две победи на денешните мечеви. Во сингл во 2.коло таа ја победи Барбора Миклова со 6-2 и 6-4 во сетови. Притоа нашата тенисерка имаше три брејка, а ривалката ниту еден. Утре во четвртфиналето Ѓорческа ќе игра против квалификантката Јана Тишченко од Молдавија.

Во конкуренција на двојки во 2.коло таа со Ива Приморац од Хрватска (втори носителки) ги победија Деви Дијикман и Жанине Хемес од Холандија со 6-0 и 6-0 во сетови. Во двата меча Ѓорческа и Приморац постигнаа максимални победи.

Утре во полуфиналето ќе играат против Михелс - Вандагендонк од Белгија.