Две момчиња повредени во сообраќајка во Тетово

Вчера околу 12 часот и 30 минути на локалниот пат Тетово-село Фалише, во близина на надвозникот од автопатот Тетово-Скопје, се случило сообраќајна незгода.

Имено патничко возило „Форд КА“ со гостиварски регистарски ознаки, од 22- годишниот В.И од Тетово удрило во велосипед со мотор „Хонда“ со скопски регистарски ознаки, управуван 23- годишниот Ф.Ќ. од село Горно Палчиште. Притоа, со повреди се здобиле возачот на велосипедот со мотор, Ф.Ќ. и неговиот сопатник 26- годишниот  Б.Љ од Тетово.

Тие биле пренесени во тетовската клиничка болница и по укажаната лекарска помош биле задржани за натамошно лекување.

Увид на местото на настанот извршила екипа од СВР Тетово.