Две лица повредени во сообраќајна несреќа во Кочани

На 06.01.2021 во 12.35 часот во Полициската станица Кочани било пријавено дека на крстосницата од ул.„Димитар Влахов“, ул.„Бел Камен“ и ул.„Крижевска“ во Кочани се случила сообраќајна несреќа помеѓу патничко моторно возило „бмв“ со бугарски национални ознаки, управувано од М.Д.(39) од с.Чешиново и патничко моторно возило „застава 750“ со штипски регистарски ознаки, управувано од Ј.Г.(77) од Кочани. Во несреќата со тешки телесни повреди се здобил  Ј.Г., а со телесни повреди се здобил М.Д. констатирани во Општата болница во Кочани. Извршен бил увид на местото на настанот од увидна екипа од Полициската станица Кочани.