Две лица ограбиле обложувалница во Скопје, па испукале куршум, а додека бегале направиле сообраќајка

Вчера околу 20.00 часот во СВР Скопје било пријавено дека во спортска обложувалница на ул.„Јужноморавски Бригади“ две лица со закана одзеле пари и при излегување од објектот испукале еден куршум, соопштуваат од МВР.

Според пријавеното, тие заминале со патничко возило „форд фиеста“, со скопски регистарски ознаки, и на ул.„Фуштанска“ удриле во патничко возило „мицубиши“, по што го оставиле нивното возило и побегнале.

Се преземаат мерки за расчистување на случајот.