Две годишно дете повредено во сообраќајна несреќа во тетовско

Две лица од кои едното две годишно дете, се полесно повредени во сообраќајна несреќа која вчера попладне се случила на локалниот пат Групчин - Седларево.

 

Во несреќата учествувале „Голф“ со тетовски регистерски таблици управуван од 26-годишниот А.К. и џип, исто така, со тетовски таблици, што го управувал 21-годишниот Е.Е., двајцата од Седларево.

 

-Во несреќата, двајца сопатници од „Голфот“ на возраст од 51 и 2 години се здобиле со телесни повреди и пренесени се во тетовската клиничка болница, а 51-годшината сопатничка задржана е за натамошно лекување, информираат од СВР Тетово.

 

Извршен е увид и се расветлуваат сите поединости поврзани со несреќата.