Двајца загинати и двајца повредени во сообраќајка на патот Тетово-Јажинце
Две лица загинаа, а уште две се повредени во тешката сообраќајна несреќа што попладнево околу 16 часот и 25 минути се случила на регионалниот пат Тетово - Јажинце на просторот помеѓу селата Одри и Беловиште, информираше портпаролот на СВР Тетово Марјан Јосифовски.
Според неговите првични информации, во посочениот период директно се судриле Лада 1500 со тетовски регистарски таблички управувана од С.Г.(76) од Глоѓи и Опел Вектра, исто така, со тетовски регистарски таблички управуван од С.Б.(43) од Старо Село.
- Од судирот на двете возила возачот на Ладата се здобил со повреди од кои починал на самото место додека неговата сопруга Т.Г. која била сопатничка починала во возилото на Брза помош на пат кон тетовската болница. Возачот на Опелот и неговиот сопатник и соселанец Р.С. (24) се здобиле со телесни повреди во судирот и двајцата биле префрлени во Тетовската болница. По укажаната помош возачот бил задржан за лекување додека сопатникот бил пуштен на домашно лекување, посочи Јосифовски.
Во моментот на местото на несреќата се врши увид од јавен обвиунител и екипа на СВР Тетово за утврдување на причините поради кои дошло до сообраќајката.
Ново на Сител
-
Европскиот фронт усвои политичка декларација за етничкиот легитимитет што произлегува од изборите
-
Попов: ВМРО-ДПМНЕ нема да си игра со чувствата на младите, ќе ги решаваме нивните проблеми
-
Каселакис го прашува Мицотакис што направил за учеството на ВМРО-ДПМНЕ на изборите под името „Твоја Македонија“
-
Пробиени две брани во поплави во јужна Германија
-
Мицотакис оптимист дека Нова демократија на евроизборите ќе го повтори успехот од пред пет години
-
Герапетритис: Грција го поддржува меѓународното право и го почитува ратификуваниот меѓународен договор, истото го бараме и од Северна Македонија
-
Офир Фалк, главен советник на Нетанјаху: Планот не е добра зделка, но Израел го прифаќа
-
ОЈО: Извршен увид на местото на убиството во Боговиње