Драган Ѓилас најверојатно опозициски кандидат за градоначалник на Белград

Поранешниот градоначалник на Белград, Драган Ѓилас најверојатно ќе биде кандидат за градоначалник на главниот град од здружената опозиција на претстојните избори.

Ѓилас, според српски медиуми, постигнал договор со Саша Јанковиќ, лидерот на Движењето за слободни граѓани, а речиси сигурно ќе го поддржи и Вук Јеремиќ. 

Со Демократската партија, како што пишуваат медиумите, допрва следат сериозни разговори.

Ѓилас планира во големата опозициска коалиција за изборите во Белград да ги вклучи и партиите на таканаречениот партиски блок и речиси извесно е дека во таа приказна ќе се вклучи и партијата Двери.

Меѓутоа, од Двери се уште нема потврда за тоа.