Докторот на данската репрезентација: Ериксен беше клинички мртов ама го вративме во живот

Докторот на данската фудбалска репрезентација раскажа што се случило кога на вчерашниот натпревар помеѓу Данска и Финска, фудбалерот Кристијан Ериксен загуби свест и падна на тревникот во текот на првото полувреме.

По речиси 2 часа натпреварот беше продолжен по што Данса загуби од Финска на домашен терен во Копенхаген во првото коло од групата Б на Еуро 2020, но резултатот остана во сенка на ситуацијата која се случи во завршницата од првото полуувреме, кога Ериксен наеднаш се онесвести.

„Кога дотрчавме до него, тој дишеше. Проверивме пулс и имаше. Меѓутоа, наеднаш прекинавме да чувствуваме пулс. Почнавме веднаш да реагираме за да го одржиме во живот. За среќа, тој остана со нас“, вели докторот на репрезентацијата на Данска.