Добитникот на „Златна камера 300“ Бруно Ганц пристигна во Битола

Актерот Бруно Ганц, добитник на специјалната „Златна камера 300“ за особен придонес во филмската уметност што се доделува на Интернационалниот фестивал на филмска камера „Браќа Манаки“ пристигна во Битола.

Тој синоќа се прошета по Широк Сокак заедно со директорот на фестивалот Димитар Николов, неговата сопруга Кристина Христова-Николова и режисерот Митко Панов, член на меѓународното жири на Официјалната програма на фестивалот. Претходно Ганц со домаќините ја посети и винарската визба „Тиквеш“, која годинава е спонзор на фестивалот.

Наградата на Ганц ќе му биде врачена утревечер, на свеченото отворање на 36. издание на фестивалот.