Директорката Донеска: Го унапредив мојот сопруг, нема ништо спорно во тоа

Актуелната директорка на Кардиолошкиот завод „Св. Стефан“-Охрид, Гордана Донеска, во изјава за „Макфакс“ потврдува дека пред три недели го унапредила својот сопруг и според неа, нема ништо спорно во постапката.

- „Унапредувањето на д-р Зоран, кој е мој сопруг, го направив од причина што докторката која до тој момент беше раководител на тој оддел е на супспецијализација и моментално не е тука. Исполнети се сите критериуми. Во оваа болница сите доктори имаат некаква раководна функција. Можеби имало и други кандидати, но како кардиолози добиле друга раководна функција“, изјавила телефонски Донеска за „Макфакс“.