Димовски: Владата во заминување да не го злоупотребува Парламентот
– Пратеникот Илија Димовски од ВМРО-ДПМНЕ денеска на прес-конференција обвини дека до крајот на декември Собранието треба да донесе повеќе измени на закони од економската и финансиската сфера, а кои ќе се применуваат од почетокот на 2020 година за кои стопанствениците нема да имаат време да се информираат со новите закони.
До Собранието, како што кажа, во последните три дена пристигнале 41 предлог- закон, од кои во најголем дел по скратена постапка, а на 123. седница закажана за среда на дневен ред има 79 различни закони, од кои најголем дел се од економската и финансиската свера.
Димовски укажа дека сите овие закони треба да бидат разгледани од пратениците, а ќе бидат носени без можност за темелна анализа, јавна расправа или надзорна расправа. Според него, има и избрзани и неквалитетнио закони кои потоа самата Влада или парламентарното мнзоинство ги враќа во процедура и ги менува.
– Апелираме до сите релеватни субјекти во Собранието, пред се до парламентарното мнозинство во следните дваесетина дена да не го злоупотребува овој период од двваесетина работни дена од истекот на мандатот на оваа Влада во заминување, да не ја силува работата на Собранието и да дозволи сите постапки и процедури да се одвиваат во еден нормален тек, рече Димовски, кој обвини дека ова што го прави СДСМ е со една цел да купува гласови пред изборите на 12 април.
Во Собранието, според пратеникот на ВМРО-ДПМНЕ, влезени во процедура се 425 закони, од кои 232 се по скратена постапка. Потсети дека токму сега владејачката партија ја критикуваше претходниот парламентарен состав дека голем дел од законите се носат по скратена постапка.
Популарно од Македонија
Ново на Сител
-
Илија Танчев од Пловдив е исчезнатиот нуркач по кој се трага во Охридското Езеро | ФОТО
-
Протести за поддршка на палестинскиот народ на над 100 локации низ цела Грција
-
Повеќе од 11% од депортираните од Германија минатата година биле малолетници на возраст од 6 до 18 години
-
Над 270 килограми кокаин во вредност од најмалку 5,5 милиони евра откриени на пристаништето во Солун
-
Славески: Народната банка предлага четири бесплатни подигнувања месечно од банкомати на други банки
-
ЈП „Водовод и канализација“ - Скопје апелира до скопјани рационално и внимателно да ја користат водата за пиење
-
На ГП Богородица и ГП Дојран се чека околу 30 минути
-
Без струја дел од корисниците под обиколницата во Визбего
